Jowai, Naiwieng 12
Ka Evergreen SC ka la rung sha ka semi-final ha ka lympung ïalehkai 1st Division Football League ba la pynïaid da ka Thadlaskeiñ Sports Association (TSA), hadien ba ka la pynliem noh ïa ka Bamkamar SC da 7-0 kol ha ka sngi Palei ha Multi Sports Complex, Wahïajer.
Ha kane ka jingïalehkai quarter final, ka Evergreen ka la lah ban ïalehkai bha naduh kaba sdang ha kaba kam shym la ailad ïa ka liang pyrshah ba kan thep kol.
Te kumka ka la Evergreen ka la ïoh ban thep ar kol ha ka kylla step lyngba u Teddyson Bang ha ka minit kaba 16 bad u Kitbok Phawa (22) na ka bynta ban tam 2-0 kol.
U Kitbok u la thep biang sa shi kol ha ka minit kaba 70 jong ka kylla miet. Katba ïa kiwei ki kol la thep da u Felixson Bang (61 & 67) bad u Robert Syngkon (74 & 76).
Haba phai sha ka jingïalehkai jong ka Super Division, ka Ummu-long SC ka la pynliem noh ïa ka Nongkhroh Krem Kum da 4-3 kol.
Kane ka nam jop ka la wan urlong lyngba ka hat-trick ba la khur da u Lamphrang Dkhar hadien ba u la ïoh ban thep ha ka minit kaba 32, 41 & 70, katba ïa kawei pat ka shi kol kaba kham hashwa la thep da u Hamjngai War (21). Na ka liang ka Nongkhroh Krem Kum ka la lah ban pynphai kylla lai kol lyngba u Badap Lawai (50), Anthony Mynsong (52) bad u Andy Kmah (86) hashwa ba kan mad ïa ka jingshah rem.
