Kurup ki shipai Assam Rifles ïa u drok ha Cachar

Guwahati, Naiwieng: Ki pulit ka Assam Rifles, ha ka jingkhynra lang bad ki pulit ka Cachar, ki la pynthut ïa ka jingkynnoh ba don ka jingthmu ban khaïi drok ha ka Elaka Cachar jong ka...

Guwahati, Naiwieng:

Ki pulit ka Assam Rifles, ha ka jingkhynra lang bad ki pulit ka Cachar, ki la pynthut ïa ka jingkynnoh ba don ka jingthmu ban khaïi drok ha ka Elaka Cachar jong ka Assam bad ki la ïoh kurup 151 gram u drok, uba shongdor kumba 1.05 klur tyngka.

Katkum ki khubor ba la ïohlum, kane ka kynhun ba ïatreilang ka la pyllong ïa ka jingkhynra ha ka thaiñ Arunachal Junction jong ka Masimpur ha Cachar distrik bad ki la ïoh ban kem ïa arngut ki briew kiba ïaid da ka rel na Silchar sha Agartala.

Ha ka jingtalasi, ki heh sorkar ki la ïoh kurup 151 gram u drok heroin ba la buhrieh ha ki 13 tylli ki synduk sabon, ryngkat bad kawei ka mobile phone.

Kitei ki arngut kiba la shah kem ki dei ki nongshong shnong jong ka West Tripura district. Ïa baroh arngut ryngkat bad ki mar khaïi kiba la ïoh kurup la aiti noh sha ki pulit ka Cachar ban tohkit bniah bad leh katkum ka aiñ.