Ha u Nohprah yn pynlong ka KSU ïa ka rynsan ïakhun kti ha Lawsohtun

Shillong, Naiwieng 18 Ka Khasi Students’ Union (KSU) Lawsohtun Unit ha ryngkat ka jingïatrei lang bad ka Meghalaya Arm Wrestling Association (MAWA) kan pynlong ïa ka rynsan ïakhun kti kaba shi sngi ïa kaba la...

Shillong, Naiwieng 18

Ka Khasi Students’ Union (KSU) Lawsohtun Unit ha ryngkat ka jingïatrei lang bad ka Meghalaya Arm Wrestling Association (MAWA) kan pynlong ïa ka rynsan ïakhun kti kaba shi sngi ïa kaba la tip kum ka Phra Dorbar Armwrestling 2026 ha ka 18 tarik u Nohprah mynta u snem ha Soso Tham Memorial School kaba ha Lawsohtun.

Ki kyrdan ïakop na ka bynta ka Amateur Men ka long 50-55kg, 55-60kg, 60-65kg, 65-70kg, 70-75kg bad shaneng. Katba ha ka ka Amateur Women ka long 45-50kg, 50-55kg, 55-60kg, 60-65kg bad shaneng. Katba ha ka Pro category kan long ïa baroh ki khlur ïalehkai ka Jylla kiba la khur jingjop teng ha ki lympung ïalehkai hapoh ka Jylla, kumjuh shabar jylla bad wat shabar ri ruh kumjuh.

Kat kum ka kyrwoh ba la pyllait da katei ka synjuk la ong ba ym donkam ban siew eiei na ka bynta ka jingpynrung kyrteng. Ïa ka jingthew jingkhia yn pynlong ha ka 12 tarik u Nohprah ha katei kajuh ka jaka. Ïa ki jingtip ba bniah ki lah ban phone ha ki number 60091-24738, 7640925973, 60331-82511 & 8974966348.