London, Lber:
Ki pulit ka Britain (UK) ha ka Sngi Palei ki la pynngat kyndon pyrshah ia uwei u briew, 28 snem, halor ka jingthombor jong u ia 2 ngut ki briew da kaba thang ia ki bad thmu ban shim syndon ia ka jingim jong ki ha ki 2 tylli ki jingjia.
Ki pulit ka West Midlands ki la iathuh ba utei u briew uba la ithuh kyrteng u Mohammed Abbkr bad uba la don 28 snem ka rta, uba dei na ka thaiñ Edgbaston jong ka Birmingham, na ka phang pdeng jong ka England, ha kane ka por un shah pynmih hakhmat ka ïingbishar ban pynshai halor ka jingthmu bad ka daw jong ka jingleit thombor jong u pyrshah ia kitei ki 2 ngut ki riewngeit Muslim katba ki dang wan phai na katei ka jaka mane ha katei ka sngi.
Ia u Mohammed la ioh kem noh hadien ba ki pulit ki la thwet bad wad bniah ia kiba don kti ha ka jingthang im ia kitei ki briew ha kine ki khyndiat sngi ba la leit.
