Arkansas, ïaïong:
Lai ngut ki briew ki la khlad noh na ka jingwan lynshop ka ‘erlangthari ha ka thaiñ Shathie ka United States jong ka Arkansas. Kumjuh ruh hadien ka jingkhyllem jong ka Illinois Theatre ha katei ka thaiñ, ka la pynmynsaw ia 28 ngut kiba iadon ha katei ka jaka bad uwei pat u la khlad hashen.
La ong ba katei ka ‘erlangthai Arkansas ka la leit iaid lynti sha katei ka thaiñ dei ha ka por kumba shiteng sngi jong katei ka Sngi Thohdieng
Kumta la ong ba 2 ngut ki la khlad na katei ka jingwan lynshop ka ‘erlangthari ha ka shong Wynne jong ka thaiñ East ha Arkansas.
Hynrei la ong ba katei ka ‘erlangthari ka la kham pynjulor bha ha ki phang pdeng jong ka Arkansas.
U heh katei ka thaiñ u la iathuh ba kumba 30 ngut pat ki la mynsaw bad la pynkit sha ki jaka sumar bapher kiba don ha katei ka nongbah.
La ong ruh ba ka tnat National Weather Service, ka la dep maham lypa ia ka jingwan ka ‘erlangthari ha ki katto katne ki nongbah kum ka Tennessee, Illinois bad ha Iowa.
Hadien ka jinghap jong katei ka ïingmala kaba heh hapoh Illinois, ki bor pyniaid ki la phah ia kumba 20 tylli ki kali kit nongpang ban leit her mar-mar sha katei ka jaka khnang ban ioh pynkit noh ia kitei kiba ngat bad mynsaw ha katei ka jingtwa.
U heh ka Belvidere Fire, u Shawn Schadle u la iathuh ba ha katei ka jingtwa ka bynta ba shalor jong ka Illinois Theatre, la ioh jingtip ba don uwei uba la khlad noh syndon hashen bad 28 ngut pat ki la mynsaw ha katei ka jingjia, ha kaba 5 ngut kiba la pynkit sha jaka sumar ki dei kiba la mynsaw jur.
Kumta la ong ba ha katei ka sngi, ki tnat iarap ki la pyllait ia ki dur ban sakhi ia katei ka jingjulor jong katei ka jaka, ha kaba la iohi ruh ia ki nongleit sha katei ka jaka kaba ju pynlong ia ka tem ka put ba ki la shah pynthiah hapoh ki krong (Stretcher) katba ki tnat iarap ki dang iakhun ban sei ia kitei kiba ngat bad sahkut hapoh jong katei ka jaka.
La ong ba katei ka ‘erlangthari ka long kaba la khlaiñ haduh katta ba katei ka nongbah ka la ioh mad ha kane ka por.
