Damascus, Iaïong:
Katkum ki khubor la ong ba ka jingther ‘namding jong ka Israel sha ka nongbah Damascus jong ka Syria bad ha ki bynta Shathie jong ka Syria, ka la shim ïa ka jingim jong 2 ngut ki paidbah ha katei ka jaka bad ka la wanrah ruh ïa katto katne ki jingjulor ha kitei ki jaka.
Ka tnat liengsuiñ jong ka Syria ka la pynti ba katei ka jingther ‘namding jong ka Israel ka long ha ka por kumba 12:15 jong ka step Sngi Ba-ar. Katba na ka liang ka tnat shipai jong ka Israel pat kam shym la ai jubab eiei halor katei ka jingjia.
La ong ba ka Israel mynta la da ki snem, ka la thombor na ka por sha ka por khamtam sha kitei ki jaka kiba iasoh jong ka Iran bad ka Syria.
