Umogidi, Iaïong:
Ha kane ka khubor la ong ba bun ngut ki paidbah nongshong shnong ka Umogidi ki la duh ei la ka jingim na ka jingsiat dusmon ki riew kieng atiar ha Nigeria bad ha ka Sngi Thohdieng kitei ki paidbah ki dang wad pat ia kiwei kiba dang jah hadien ka jingshah thombor ha ki kynhun lehnoh ha katei ka jingjia.
La ong ba watla ia ka daw jong katei ka jingjia ym pat lah ban tip shai, hynrei la ju tip pat ba ki lehnoh ki ju thombor bad pyni bor man ka por ia ki paidbah nongrep kiba don ha katei ka jaka.
Katei ka jingjia ka la jia ha ka Sngi Balang bad la ong ruh ba ki dang don shibun ngut kiba dang jah hadien jong katei ka jingjia, ia kiba dang pyrshang ban wad tad haduh jong ka step Sngi Saitjaiñ.
Ki paidbah jong katei ka shnong ki la iathuh ba ha katei ka sngi, kitei ki riew kieng atiar ki la leit ban siat naphang ia kat kiba don ha katei ka shnong, ha kaba kiba bun ruh ki paidbah nongshong shnong ki la shu iapher ruma sha ki khlaw- ki btap tang ban lait im, hynrei bun ruh ki la shu shah siat iap bad shah siat dusmon hapdeng ka jingphet krad jong ki.
U Bako eje, uba long u heh jong katei ka thaiñ, u la iathuh ba katei ka jingjia ka la jia ruh ha katei ka sngi katba kitei ki paidbah nongshong shnong ki dang leh burom bad pyndep khatduh ia ka met jong 3 ngut kiba la shah siat bad shah thombor ha ki sngi ba la leit.
Utei u heh u la iathuh ruh ba u khun jong u, u long uwei napdeng jong kitei kiba la shah siat iap ha katei ka jingjia ha katei ka sngi.
Shuh shuh ruh la ong ba watla ki bor pahara ki la leit ban her mar-mar sha katei ka jaka tang mar ia ïohsngew ia katei ka khubor, hynrei kim lah pat ban ialeh pyrshah bad katei ka kynhun kieng atiar ha katei ka sngi.
