Itanagar, Jylliew:
U Myntri Rangbah jong ka Arunachal Pradesh u Pema Khandu ha ka Lah Sngi U Blei u la ïai ban da kaba ong ba ka jingnang jingstad ka long kaba kongsan na ka bynta ban lah rat dyngkhong ïa ka jingkyrni dih drok ha ka imlang ka sahlang.
Ha ka por ba ka la don ka jingïalang bad ki nongmihkhmat jong ka All Monpa Students Union bad ka All Tawang District Students Union ha Tawang distrik, u Khandu u la ong ba ka jingnang jingstad ka la long ka atiar kaba donbor na ka bynta ban ïakhun bad rat dyng-khong ïa ka jingpyndonkam bakla ïa u drok.
“To ngin ïeng tylli na ka bynta ban pynlong ki prokram pynsngewthuh paidbah bad ban shim ïa ka lad ban ïakhun pyrshah ïa ka jingpyndonkam bakla ïa u drok. Lada ngi ïatylli lang ngin lah ban wanrah ka jingkoit jingkhiah, ka jingpyllait ïa ka pyrthei na ka jingngop bad kyrni ha kine ki jingdih pynbuaid,” la bynrap u Khandu.
