![Mynjur ka kynhun Myntri ka Assam ban bei tyngka ha Numaligarh Refinery myntri-assam](https://unongsainhima.com/wp-content/uploads/2023/07/myntri-assam-jpg.webp)
Guwahati, Naitung:
Ka Cabinet ha Assam ka la mynjur na ka bynta ka jingbei tyngka kaba T. 823 klur ha Numaligarh Refinery Ltd na ka bynta ka jingthmu jong ka ban nang pynïar shuh shuh ïa ka Project. Shi bynta jong ka Project kaba la kot sha ka T. 28,026 klur, ka Numaligarh Refinery kan sa nang pynïar shuh shuh na ka 3 Million Metric Tonnes (mmt) sha ka 9 mmt, bad buh ïa ki Pipeline ha 1,398 km na Paradip sha Numaligarh kiba don ha Odisha bad ka jingpyntreikam ïa ki Pipeline ba 605 km na Numaligarh sha Siliguri kaba don ha West Bengal.
Ka sorkar jylla kan sa ïoh shuh shuh ki jingïarap na ka bynta ka kompeni ha kaba ïadei bad jingmang tyngka bad pyllait ïa ka pisa kaba T. 205.73 klur ha ka bynta kaba nyngkong, la ong u Myntri ka jylla u Jayanta Malla Baruah ha ka jingïakren bad ki nongthoh khubor. Ka Cabinet ka la rai ruh ban pyntreikam ïa ka Water (Prevention and Control of Pollution) Assam Rules 2022 na ka bynta ban pynïasoh bad ka ‘Regulation for Idol Immersion’, u la ong.