Imphal, Nailar:
Ki shipai jong ka tnat Assam Rifles ki la ïoh ban kurup ïa u drok ba T. 5.84 klur ha ki ar tylli ki jingjia jong ka jingleit kurup kaba la long ha Track Junction bad ha ka shnong Khulmulen, District Chandel, Manipur, ha ka 4 tarik, Nailar bad ka 5 tarik, Nailar. Ki la don baroh kumba 10.642 kilo u Heroin uba la kot sha ka T. 5.38 klur bad 8.260 kilo u Poppy uba la shongdor T. 56 Lak ba la ïoh ban kurup da ka kynhun jong ki shipai na ka pla ba la ieh bad ka kali ar shaka ha ka por ba la pynlong ïa ka jingleit khynra.
Ïa kine ki mar ba la ïoh ban kurup la aiti sha ki pulit jong ka Chakpikarong na ka bynta ban bteng ïa ka jingtohkit, la ïathuh ka tyllong khubor ba la pyllait. Ki shipai ka tnat Assam ki la ïoh ban kurup baroh haduh mynta ïa u Heroin uba la palat ïa ka T. 1.24 klur.
