Silchar, Nailar:
Ki tiar siat kiba bun ïa kiba la ngeit ba ki dei ki tiar ba la thmu ban phah sha ka jaka ba la jia ka jingïakynad kaba jur ha Manipur la ïoh ban kurup da ki pulit ha Assam.
Ïa kine ki tiar la ïoh ban kurup ha Ranighat kaba don ha Cachar distrik jong ka Assam ha ka sngi U Blei. Ki la don kumba 200 tylli ki Gelatin Stick bad ki tiar pynbthei ba la pyndonkam na ka bynta ban shna bom ïa kiba la ïoh ban kurup.
Kumba la ïathuh ka tyllong khubor, la ong ba ki la don arngut ki samla, ïa kiba la kit ïa kine ki tiar kiba la dap ha ka borni kiba la ieh ïa kine ki tiar hadien ba ki la shah pynibor ha ka kynhun jong ki pulit.
Kine ki la lait phet na kti jong ki pulit. Ha kaba ïadei bad kane ka jingjia, ka jingtohkit ka dang ïai bteng.
