Guwahati, Nailar:
Kumba la ïathuh ka tyllong khubor, la ong ba uwei u nongïalam jong ka seng BJP na Assam u la shah suba ba u la shah pynïap ha ki runar ki bym shym la lah ban ithuh. Ïa ka metïap jong une u nongïalam ka seng la lap narud jong ka wah Pagladia kaba don ha Tihu kaba ha Assam ha ka sngi U Blei.
Ïa une uba la ïap la tip kyrteng kum u Kandarpa Barman. Shuh shuh la ïathuh ba ka kali saw shaka jong u nongïalam ka seng BJP la lap ba ka la shah ieh hajan rud wah. Ki pulit ki la ïai ban da kaba ong ba une u nongïalam jong ka seng BJP u la shah pynïap ha ki runar ki bym shym la lah ban ithuh bad ïa ka met jong u la bret harud wah.
Shuh shuh la sakhi ruh ba la don shibun ki dak mynsaw ha ka met jong une uba la ïap khamtam na ki bynta u ryndang, la ïathuh ki pulit. Ha kaba ïadei bad kane ka jingjia, ki pulit jong ka Assam ki la pynlong ïa ka jingtohkit kaba bniah.
