New Delhi, Nailar:
Ha ka juk kaba ñiewkor ïa ka jingïaineh bad ka jingbahkhlieh ha ki kam jngohkai, ka jingshimti ka India ïa ka presidency jong ka G20 ka long ka por kaba kyrpang na ka bynta ki kam jngohkai jong ka ri. Dang shen, ka India ka la long ka nongïalam ha ki kam jngohkai kiba ïaineh bad kiba don ka jingbahkhlieh. Ka Mizoram ruh ka dei ka jaka kaba khring bha ïa ki nongjngohkai ha kaba ki don shibun ki jingkhring kiba la pawkhmat namar ka B20 Conference jong ka G20 Presidency ka India ha ka 3 tarik u Lber 2023 ha Aizawl.
Namar ka jingthmu jong ki kam jngohkai ka Mizoram ka long ban pyni sha baroh kawei ka ri ïa ka jylla kum ka jaka jngohkai kaba shngaiñ bad kaba ïaiñeh, ka Sorkar Jylla ka thmu ban buh ïa ka ‘Mystical Mizoram’ ha ki jingmut jingpyrkhat jong baroh ki nongjngohkai kiba don ka jingsngewlem ïa ka mariang bad kiba kwah ïa ki jaka jngohkai kiba shngaiñ bad kiba ïaineh bad kumta, ka Sorkar Mizoram ka thmu ban pyni ïalade kum ka jaka kaba khring bha ïa ki nongjngohkai na kylleng ka pyrthei, ka jingpynlong ïa ka B20 Conference jong ka G20 Presidency ka India ha ka 3 tarik u Lber 2023 ka la wanrah ïa ka jingkylla ha ki kam jngohkai ha ka jylla. Namar ki jingeh ha ka por jong ka khlamCovid-19, ka B20 Conference jong ka G20 Presidency ka India ha Aizawl ka la long kaba kongsan ban khyllie im biang ïa ki kam jngohkai.
Ki jingktah jong ka B20 Conference jong ka G20 Presidency ka India ha Aizawl ki long kumne harum:
1) Ki kam jngohkai ka Mizoram: Ka Mizoram kaba bun ki jait jaka; kaba riewspah ha ka deiriti, ka dei kaba ju khring bha ïa ki nongjngohkai. Na ki Blue Mountain ba itynnad ha ka thaiñ shathie sha ki khlaw ki btap, ka Mizoram ka don ki kam jngohkai kiba khring bha ïa ki nongjngohkai na kylleng ka pyrthei. Ka Mizoram ka la khring bha ïa ki nongjngohkai kiba kwah ïa ka jingleit kaba sngewtynnad ha ka por jong ka B20 Conference bad ka jingwan ki nongjngohkai sha ka jylla ki la bun tam ha u snem 2022-2023
2) Ki kam jngohkai ba ïaineh: Ka G20 presidency jong ka India ka la ai ïa ka rynsan ban pyni ïa ki kam jngohkai kiba ïaineh bad kiba don jingbahkhlieh. Ki kam jngohkai ka Mizoram ki ngeit skhem ba ki kam jngohkai kiba don jingbahkhlieh ki lah ban wanrah ïa ka jingkiew ka ïoh ka kot, ka jingpynneh ïa ka mariang bad ka jingkiew ka imlang sahlang.
Ki kam jngoh ka ka Mizoram ki la shim ïa ki sienjam ban kyntiew ïa ki kam jngohkai ba ïaineh lyngba ki sienjam green tourism ha Khamrang, kaba long ka projek hapoh ka tnat DoNER. Kane ka projek ka la ïaid shaphrang ban kyntiew ïa ka jingkhuid jingsuba ha ka shnong.
2) Ka jingkyntiew ïa ki kam jngohkai bad ka jingpynkupbor ïa ka imlang sahlang: kawei na ki mat ba kongsan jong ka G20 presidency ka India ka dei ka jingpeit bniah ïa ka jingkyntiew ïa ki kam jngohkai bad ka jingpynkupbor ïa ka imlang sahlang. Ki kam jngohkai ka Mizoram ki ithuh ïa ka jingkongsan jong ka jingïashim bynta ka imlang sahlang ha ki kam jngohkai, ka jingpynthikna ba ki ïoh jingmyntoi na ki kam jngohkai ha ryngkat ka jingpynneh ïa ka deiriti.
Bun ki Small and Medium-Sized Enterprises (SME) ki don ka bynta kaba khraw ha ki kam jngohkai ha kaba ki ai ki jingshakri kiba bha bad ki kyrshan ïa ka ïoh ka kot. Ki delegate jong ka B20 Conference ha Mizoram ki la kwah ban khaïi pateng bad ki nongseng kam lajong bad ka Sorkar Jylla kan ai jingkyrshan kaba donkam ïa kane ba kan kiew. Ka jingkiew ka jingdon ki nongseng kam lajong ha ki kam jngohkai bad ha kiwei kiwei ki kam ki long ruh ki jingktah kiba bha ba ka B20 Conference ka la wanrah ha ki jingmut jingpyrkhat jong ki samla.
3) Ka jingpyndonkam ïa ka teknoloji na ka bynta ki kam jngohkai ba ïaineh: Ki jingsaiñdur thymmai kum ki smart tourism management system, tourism immersive hub – AR bad VR kiba don ki rynsan digital na ka bynta ki nongshna tïar tynrai ki la don ban kyntiew ïa ki kam jngohkai ha ka jylla namar ka B20 Conference bad kine kin plie lad ïa ki kam jngohkai kiba ïaid beit ïaid ryntih. Kine ki jingïaid shaphrang jong ka teknoloji kin pynïaid kham ryntih ïa ki kam jngohkai bad kin don bynta ruh ha ka jingpynneh ïa ka deiriti.
4) Ka jingkyntiew ïa ki jingdon jingem: Da kaba ithuh ïa ki lad kiba don ha ki kam jngohkai ha ka jylla, ka tnat Kam Jngoh Kai ka la rai ban bei tyngka ïa ki jingdon jingem kiba khlaiñ na ka bynta ki kam jngohkai ban kyntiew ïa ki kam jngohkai kiba ïaineh bad kiba don jingbahkhlieh ha ka jylla hapoh ka Swadesh Darshan 2.0. Ka jingkyntiew ïa ki jingdon jingem kiba khlaiñ ka long ka bynta kaba kongsan ha ka jingplie lut ïa ki lad kiba don ha ki kam jngohkai. Da kaba ithuh ïa ka bynta kaba kongsan jong ki jingdon jingem ha ka jingplie lad ïa ka leit ka wan bad ka jingkyntiew ïa ka ïoh ka kot, ka Mizoram ka la shim ïa ki sienjam ban kyntiew ïa ki lad ka leit ka wan, ki jaka sah briew bad ki jingshakri na ka bynta ki nongjngohkai.
Hapoh ki rukom treikam ka G20, katba ka India ka thmu ban pyni ïa ka jingkut jingmut jong ka ban kyntiew ïa ki jingdon jingem na ka bynta ka jingkiew ki kam jngohkai, ka Sorkar Mizoram ruh ka la sdang ban kyntiew ïa ki jingdon jingem da kaba bei tyngka ha ka jingpynïar bad jingpynthymmai ïa ka kad liengsuiñ bad ki surok ban kyntiew ïa ki lad ka leit ka wan sha ki jaka jngohkai bad ruh sha ki jaka kiba kham eh ban poi. Kine ki jingkyntiew ïa ki jingdon jingem ki kyntiew ïa ki jingshem jong ki nongjngohkai bad ki don bynta ruh ha ka jingpynïar ïa ki kam jngohkai ka Mizoram, ka jingkyntiew ïa ka jylla kum ka jaka kaba khring bha ïa ki nongjngohkai. Ka Sorkar India ka dang shim ïa ka sienjam kaba heh ban pynurlong ïa ka jingthrang jong ka Mizoram da kaba wanrah ïa ki lynti rel haduh ha Sairang kaba don hajan ka Aizawl
5) Ka jingaibor ïa ka jingkiew ki kam jngohkai: Ka B20 Conference jong ka G20 Presidency ha Aizawl ka la don ka bynta kaba khraw ha ka jingkyntiew ïa ki kam jngohkaiwat ha ki jylla kiba rit kum ka Mizoram. Ki la bun ki hotel, homestay bad ki restaurant kiba la sdang thymmai. Kane ka jingïalang ka la sdang ïa ka bynta kaba thymmai ha ka histori jong ki kam jngohkai ka Mizoram ha kaba ïadei bad ka roi ka par namar ki hotel ki la shem ïa ka jingbun shuh shuh ka jingwan ki briew bad ka jingkiewdor ki bai hotel
6) Ka jingkyntiew ïa ka Mizoram kum ka jaka kaba khring ïa ki nongjngohkai: Ka jingpynlong ïa kaB20 Conference jong ki jingïalang G20ka la ïarap ïa ki jaka jngohkai ki bym pat da paw kum ka Mizoram. Ki kam jngohkai ka Mizoram ki la paw ha kylleng ka ri bad shabar ri ruh bad ka la buh ïa ka Mizoram hapdeng ki jaka jngohkai jong ka pyrthei. Ka B20 Conference jong kaG20 Presidency ka la ai ka kabu ksiar ïa ka Mizoramban pyni ïa ka deiriti bad ki jaka jngohkai kiba kynthup ïa ki jingïalehkai tynrai, ki mot, ki jaka kyntang, ki lum kiba itynnad, ki jaka ba la buh kyrpang ïa ki mradkhlaw. Ka B20 Conference ha Mizoram ka la pynshlur ïa ka jingkiew ki kam jngohkai jong ka jylla bad kan kyntiew ïa ka Mizoram kum ka jaka kaba khring bha ïa ki nongjngohkai.
7) Ka jingsngewthuh kaba kham bha bad ka jingpynthbitlynga ki Yuva Tourism Club: Ka Mizoram ka dei kawei na ki katto katne ki jylla ka India ban sdang ïa ki Yuva Tourism Club ha ki skul bad ki kolej. Ki Yuva Tourism Club ha Mizoram ki la don ka bynta kaba khraw ha ka International Tourism Mart 2022 kaba la long ha Aizawl, Mizoram. Ki jingai jingshakri da ki dkhot jong ki Yuva Tourism Club ha ka por jong ka International Tourism Mart 2022 ki long kiba bïang bha bad dei ban ai jingïaroh ïa ki.
Kumjuh, ki dkhot jong ki Yuva Tourism Club ki la ïashim bynta ha ka Jingïalang B20 jong ka G20 ha Aizawl, Mizoram. Kane ka prokram B20 ka la pyni ai ka jingkongsan ban don bynta ki samla ha ka jingtei ïa ka lawei jong ki kam jngohkai da ka jingsngewthuh kaba kham bha ïa ki kam jngohkai ha Mizoram kiba dang sdang ha Mizoram. Namar ka jingïadon bynta ki Yuva Tourism Club ha ki jingïalang B20, ki briew jong ka jylla ki la sdang ban wad ïa ki jaka kiba khring nongjngohkai ha ka jylla bad ki briew ki la sngewthuh ba kim dei tang ki jaka shabar ri kiba khring ïa ki briew hynrei ba ka long ruh kaba donkam ban wad ïa ka jingitynnad ha ka jylla lajong. Kine ki dkhot ba dang samla jong ki Yuva Tourism Club ki la kut jingmut ban kyntiew ïa ki kam jngohkai ba don jingbahkhlieh bad ban pyni ïa ka deiriti ba kyrpang jong ka ri.
Ka B20 Conference jong ka G20 Presidency ka dei ka lad ïa kaba ki kam jngohkai ki la ap bad mynta ki dang shim lut ïa ki lad kiba la mih na kane. Ka kyntiew ïa ki kam jngohkai mynta bad kan plie ruh shibun ki lad ha ki por ban wan.
