Aizawl, Nailar:
Ki shipai ka tnat Assam Rifles, hapoh ka jingïalam jong u Inspector General Assam Rifles (East), ki la ïoh ban kurup ïa saw tylli ki song ba la thep ïa ki sikret bar ri,124 synduk ka Beer, 7 synduk ka Wine, bad 6 synduk ka kyiad Whisky ba la kot sha ka T. 10.12 lak ha kawei ka thaiñ jong ka Zokhawthar-Melbu Road, kaba don ha Champhai distrik, ha ka sngi Saitjaiñ.
Ïa ka jingpyntreikam la pynlong da ka kynhun ba la ïatreilang hapdeng ki shipai Assam Rifles bad ka Custom Preventive Force Champhai hadien ba la ïoh jingtip shaphang kane ka jingdon jong kine ki mar. Ïa kine ki mar ba la ïoh ban kurup la aiti sha ka Custom Preventive Force Champhai na ka bynta ban leh ïa kaba donkam.
