Guwahati, Nailar:
Ka Assam Environment and Forest Department ka la pynmih da ka jingthoh bad maham jur halor ka jingpyndonkam, ka jingshna, ka jingpynpoi, ka jingbuh, ka jingdie bad ka jingpyndonkam ïa ki bitor plastik kiba ngiam hapoh 1000 ml ka um ha ka jylla bad kane kan sa treikam naduh ka 2 tarik, Risaw jong u snem 2023. Katkum ka jingthoh ba la phah, la ong, “Katba ki tiar Single-Use Plastic (SUP) kiba lah ban pynmih bun ki jaboh, kiba wanrah ïa ki jingjulor kiba slem ne shipor bad kiba buh jingma ïa ka koit ka khiah… Ka rai ka long ban pyntreikam halor ka jingpynduh pyndam ïa ki da ki kynhun kiba dei khmih, la ong ka District Administration and Police department and Pollution Control Board of Assam. Kane ka jingpyntreikam kan sa long naduh ka 2 tarik, Risaw, 2023.”
Kane ka la long hadien ba u Myntri Rangbah jong ka Assam u Himanta Biswa Sarma u la pynbna ba la dei ban khang noh ha ka ban pyndonkam ïa ki bitor plastik kiba ngim ban thep um shi litre.
