Guwahati, Nailar:
Ka kynhun ba la ïatreilang hapdeng ka Railway Protection Force (RPF) bad ka Government Railway Police (GRP) ka la lap ba don ka kynhun jong ki briew kiba la ïaid lynti ha ka jaka sangeh rel ha Dharmanagar Railway Station ha ka rukom kaba pynsuba sniew. Kane ka long ha ka por ba ki pynlong ka jingleit pahara kaba man ka sgni.
Kane ka kynhun kaba la shah khmih bniah ha ki pulit ka kynthup ïa san ngut ki kynthei bad uwei u shynrang. Naba la ishan khmat ïa ka rukom leh jong ki, ki pulit ki la kem noh ïa ki bad haba la tohkit bniah la shem ba ki dei ki Rohingya. Haba la tohkit shuh shuh ïa ki la tip ba ki la rung beaiñ sha ki bynta jong kane ka ri bad ki dei kiba sah ha ki jaka sah ba shipor hajan ka Cox’s Bazar, ha Bangladesh. Hadien kane, ïa kine ki briew la aiti sha ki heh pulit kiba dei khmih ïa ka tnat Railway na ka bynta ban leh ïa kaba donkam.
