Agartala, Nailar:
Kum shi bynta ban leh ei ei ha ka sngi Balang haba la ïoh jingtip halor ka jingdon jong ki nong Bangladesh ha ka bynta jong ka ri, ki pulit jong ka Sabroom ki la pyntreikam sted bad pynlong ïa ka jingleit khynra ha ki bynta ba marjan bad ka kper slasha kaba don ha ka jaka sor kaba ha ki bynta khappud ka Sabroom kaba ha Tripura. Kane ka thaiñ ka la ïasam ïa ki bynta u pud u sam bad ka Bangladesh.
U Sub-Inspector Dhruba Majumdar, uba la lamkhmat ïa kane ka kynhun jong ki pulit, ha ka jingpyntreikam ki la ïoh ban kem ïa kine ki bar ri. Ïa kine kiba la shahkem la ïalam sha ka jaka treikam jong ki pulit ha Sabroom na ka bynta ka jingtohkit.
Ki pulit ki la ïaleh ban pynkhlaiñ shuh shuh ïa ka jingtohkit ban tip ïa ka daw halor ka jingthmu jong kine ki bar ri ban rung sha ki bynta jong kane ka ri lyngba ki thaiñ khappud.
