Agartala, Nailur:
Ka seng BJP kaba bat ïa ka jingsynshar ha Tripura ka la jop kput ïa ka ilekshon shiteng samoi sha ki ar tylli ki Assembly konstitwensi ha ka jylla hynnin ka sngi. Kane ka seng ka la ïohbat biang ïa ka jingsynshar ha Dhanpur konstitwensi bad knieh ïa ka jingsynshar ha Boxanagar konstitwensi na ka seng CPI(M) na ka bynta ban nang pynbun shuh shuh ïa ki dkhot sha ka 33 ngut ha ka kynhun jong ki 60 ngut ki dkhot ha Assembly.
U Taffajal Hossain jong ka seng BJP u la pynrem ïa u Mizan Hossain jong ka seng CPI(M) da 30,237 vote ha Boxanagar. Kumjuh, u Bindu Debnath jong ka seng u la pynliem ïa u Kaushik Chanda jong ka seng CPI (M) da 18,871 vote ha Dhanpur.
