U Jum Singh Syiem u la shimti ïa ka Dorbar U Syiem Mylliem Mawkhar
Ha ka lah sngi U Blei, 22.04.1963 ha ka por 10.30, u Syiem Mylliem, u Jum Singh u la shimti ïa ka Dorbar Syiem Mylliem Mawkhar na u Jor Manik Syiem uba peit ïa kane ka ïing. La aiti hakhmat ka jingdonlang u CEM bad u Deputy Syiem bad kiwei kiwei. ïa ka kali, Mylliem State ruh la shimti kumjuh. lah ban pynkynmaw ba hadien ka jinglong Syiem u Jum Singh, ïa ka Dorbad bad Kali ba dei hok jong u Syiem Mylliem la bat da ka bor da kiba Khraw.
Ka long kaba iphuh I phieng haba u Syiem uba dei hok u shimti ïa kane ka ïing kaba dei ka nongkynti jong u Syiem bad ki khun ki hajar ka Hima Mylliem. Ym shem don kano kano ka jingkulmar ne ka jingpynwit na ka liang ki ‘Bakhraw’. La sngewthuh ba ki nongbud kiba khraw ki la sngewthuh ïa ka jingshah ialam bakla. Katto ka Hima Mylliem kan sa suk sa saiñ bad ka synshar ka khadar kan ïaid beit khlem don nong pynwit.
[U NONGSAIÑ HIMA (23 tarik Iaiong, 1963)]
