Shillong, Naiwieng 02
Ki pulit ka Anti-Narcotics Task Force, East Khasi Hills, ha ka Sngi Palei ki la ïoh kem ïa uwei u briew uba la 45 snem ka rta na jingkieng Umshyrpi bad ki la ïoh ban kurup bun bah ki dawai kiba dei kiba ju pyndonkam kum u drok.
Katkum ka jingtip ba la ïohlum na ki pulit, la ong ba la kurup 940 tylli ki dawai kuli Nitrazepam ba 10 mg, phra tylli ki sla kotkhubor ba pyndonkam ban song ïa kine ki dawai kuli, kawei ka pla rit, bad kawei ka Mobile Phone na utei u briew uba ki pulit ki khlem pynpaw satia ïa ka kyrteng. Na ka liang ki pulit ki la pynrung da ka jingujor pyrshah ïa utei u briew hapoh ki kyndon jong ka NDPS Act ha thanat Lumdiengjri.
