Shillong, Naiwieng:
Kum ka sienjam ban wanrah ka jingkylla ïa ka ‘Telco’ sha ka ‘Techco’, ka kompani ai jingshakri ha kaba ïadei bad ka Telecom ne Telecom Operator, ka Vi, ka wanrah ïa ka Live 5G na ka bynta ki nongpyndonkam ha ka lympung kaba heh ha ka liang ka telecom, kata ka India Mobile Congress (IMC) 2023 kaba la long naduh ka 27-29tarik U Risaw, 2023 ha Pragati Maidan ha New Delhi.
Ka Vi ka la lah ban thaw shibun kiei kiei na ka bynta ka Next-gen Technology bad 5G Network ha ki liang kiba ïadei bad ka seng kam-seng jam, ki nongpyndonkam bad ban kyntiew ïa ka imlang-sahlang lyngba ka jingïatreilang bad kito kiba ïadon bynta ha ka kam.
U Myntri Rangbahduh ka India u Narendra Modi u la leit jngoh ïa ka IoT Solution ba nyngkong ka India, ka Sanchaar Shakti, ban nang pynbha shuh shuh ïa ki kam kiba ïadei bad ki kad lieng bad kumjuh ruh bad lah ruh ban nang kham pynbha shuh shuh ïa ka jingtreikam jong ka jingpynïaid ïa ki jhad.
Ïa kane la leh ryngkat ka jingïatreilang bad ka Freight Tiger bad Roadcast, ka jingthmu jong kane ka long ban pynbna ïa ka jingtreikam ha ka liang ka jingpynkit ïa ki tiar ki tar na kawei ka kad lieng sha kiwei ki bynta da kaba pyndonkam ïa ka IoT, ïa ka 5G, bad ïa ka Next-Gen Technology ne ka Teknology ka juk mynta.
Ka Vi, kaba long ka nongbtin lynti ha ka liang ka IoT-kaba ïarap ban kyntiew ïa ka kam ha India, ka trei radbah ban wanrah ïa ka jingtreikam jong ka IoT-ba kan long kum ka jingtreikam kaba pdeng khnang ba yn lah ban kyntiew shuh shuh ïa ki karkhna kiba hap ha ka MSME na ka bynta ban pynkylla ia ka jingïaid lynti jong ki ha ka liang ka Digital.
Haba kren ha katei ka sngi hadien ka jingïalang jong ka India Mobile Congress, U Akshaya Moondra, CEO, Vodafone Idea u ong, “Ngi sngewskhem ba ngin lah ban wanrah ka jingkylla ha ka liang ki nongpyndonkam, ban pynbha ïa ka jingtreilang bad kumjuh ruh ha ka liang ka jinglah ban treikam bha ha ki kam khaïi pateng na ka bynta kito kiba ïatreilang bad ngi ka ban nang lah shuh shuh ban wanrah ka jingkiew ha ka liang ka khaïi pateng lyngba ka Digital ha India.”
