Ha ka por elekshon mynno mynno ruh bad mynta kumjuh ym ju kham don ka parti ka bym rah pynkiew skong ïa la u jong u kyrtong.
Baroh ki parti ki ai jingkyrmen 100 % ba u kyrtong jong ka parti un ioh jingjop. Wat ki kyrtong Independent ruh kiba bun haba ki ïeng ïaleh ïa ka elekshon ki sngewskhem beit ba un jop. To ngin ïa peit mynta ruh ha kane ka elekshon MP mano ban ioh jingjop haba ki la ïa tur sha ki shnong ki thaw ban kanbas ïa la ki jong ki jong ki kyrtong.
Ka jingjop uno uno u kyrtong ka shong ha ki paidbah nongjied ne kita ki voters. Ka parti ka long tang kum ka tynghung kaba shu leit pynbna paidbah ba ngin tip ba u kyrtong jong ka parti u ïeng ban ïada ïa ka ri bad ka jaidbynriew. Ki ïa khlei ki ñia ki jutang bad ïa kynthoh kawei ïa kawei pat khnang ba kin ioh ïa ka vote u paidbah. Kane ka dei ka elekshon jied paidbah ïa uno uno uba ïa khun bad ïa ai reng ïa ka kam nongmih khmat paidbah. Ka rukom jied ka dei ka rukom ba ngi ïa ieh katkum ka rukom synshar paidbah (Democrarcy).
C. B. Iawphniaw
