Imphal, ïaïong:
Ka sorkar Manipur ka la nang pynjlan shuh shuh ban pyntreikam ïa ka Armed Forces Special Powers Act 1958 sa 6 bnai ha Manipur. Kane ka jingnang pynjlan shuh shuh ban pyntreikam ïa kane ka aiñ ha Manipur ha ka 1 tarik, Ïaïong lait noh ki jaka kiba hap hapoh ka jingkhmih jong ki 19 tylli ki jaka treikam jong ki pulit. Kine ki jaka kiba la shah pyntreikam da kane ka aiñ ki dei kiba la shah ñiew kum ki jaka kiba kham mih ki kynrum kynram da 6 bnai hapoh ka jingtreikam jong ka kyndon kaba 3 jong ka Armed Forces (Special Powers) Act, 1958 (Act No.28 of 1958) ïa kaba la pdiang ban pyntreikam na ka por sha ka por.
U Devesh Deval, uba long u Commissioner (Home), Government of Manipur u la ong ba ha kaba ïadei bad ka jingpyrkhat jong ka Lat jong ka Manipur kaba la ong ba ki jingïakynad bad ki jingshah thombor kin sa jia naba kiba bun ki kynhun kieng atiar ne ki kynhun lehnoh kumba ki la maham ban thombor pyrshah lada jia ba pyndonkam da ki kynhun shipai ha ryngkat ka jingïatreilang ki bor sorkar ha ka jylla baroh kawei lait noh ki thaiñ lait noh ki jaka kiba hap hapoh ka jingkhmih jong ki 19 tylli ki jaka treikam jong ki pulit la pynjlan biang ban pyntreikam ïa kane ka aiñ.
Ki jaka ki bym shah pynngat ha kane ka aiñ ki kynthup ïa ka Imphal , Lamphel , City , Singjamei , Sekmal , Lamsang , Patsoi ,Wangoi, Porompat , Heingang , Lamlai, Leimakhong , Thoubal , Bishnupur , Nambol , Moirang, Kakching bad Jiribam.
