Guwahati, Ïaïong:
Ka Nes Jorabat, kaba don ha 10 mer jong ka G S Road, Jorabat, Meghalaya ka jaka khaïi ba pawnam jong ka kompeni ba khaïi umphniang kali ka BPCL, ka la rakhe ïa ka lyngkhuh 18 snem jong ka jingïaid lynti ha kaba ka la wanrah ïa ki jingjop ha kiba bun ki liang bad ïoh ruh ïa ka nam kaba ha khlieh ha kaba ïadei bad ka jingdie ïa ka umphniang hapoh ka jingtreikam jong ka BPCL India na ka bynta u bnai Lber.
Ka jingïadie ïathied kaba la ïaid shakhmat ka la tam na kaei ba la buh tang hapoh ka shi bnai jong ka jingpyntreikam. Ki jingtreikam ba la pynbit pynbiang da ka BPCL, ha kane ka jaka sam umphniang ka la lah ban pynbiang ïa ki jingdawa jong ki nongpyndonkam . Ha kane ka sngi ba la rakhe ïa ka jingjop ba la wanrah da kane ka jaka sam umphniang, u Pankaj, uba long u Head ka North East State jong ka BPCL, u la ai jingkren ha kaba u la ïasam bad pynsngew ïa ki jingjop ha kaba ïadei bad ka jinglah ban die bad pynïaid ïew ïa ka umphniang kali. Na ka liang u Indranil Bannerjee, uba long u Territory Manager jong ka BPCL ha Shillong, u la pynpaw ka jingsngewnguh ïa ki nongpyndonkam kiba la lah ban kyrshan ïa kane ka jaka sam umphniang ha kaba ki la lah ban pynpoi ha ka kyrdan kaba ha khliehduh.
Ha kane ka sngi la ïadon ryngkat ki heh nongïalam jong ka BPCL, kynthup ïa u Debashish Das, u Sr Manager, u Faiyaz Alam, u State Construction Engineer, u Janmajeet Das, u Territory Coordinator, u Pankaj Doley, u Engineering Officer, bad ka Asmita Khan, ka Sales Officer, ha ryngkat u nongkhaïi u Jain bad ka longïing jong u, ki nongpyndonkam kiba ju kyrshan ïa kane ka jaka sam umphiang bad ki nongtrei jong ka.
