Shillong, Jymmang 03
Shi sngi shwa ban sdang ïa ka lympung ïalehkai 4th Roll Ball Federation Cup, ka Meghalaya Roll Ball Association ha ka sngi Thohdieng ka la pynbna ïa ki kyrteng ki ‘rang bad ki ‘thei ïalehkai ki ban mihkhmat ïa ka Jylla ha kane ka lympung ka ban sdang ha ka sngi Saitjaiñ ha St Anthony’s Higher Secondary School.
Ha kane ka sngi la ïohi ïa ka kynhun ïalehkai ka Jylla ba ki la kilanmet na ka bynta ban pynkhreh ban ïashim bynta ha kane ka lympung kaba long ka sien kaba nyngkong eh ban pynlong ïa kane ka lympung ha kane ka Jylla bad na ki liang ki nongïalehkai ki la pynpaw ïa ka jingsngewkmen ban ïoh ïa kum kane ka lad ban ïoh ïashim bynta bad ban pynpaw ïa la ki sap ba kyrpang ba ki don ha kane ka jait jingïalehkai.
Wat la kane ka jingïalehkai ka dei kaba dangthymmai, hynrei na ka liang ki khynnah ïalehkai ka Jylla ki la pynpaw ka jingsngew skhem ba kane ka lympung kan long ka jingïarap ban nangkyntiew ïa ki ha kane ka kam ïalehkai.
Ki kyrteng jong ki ‘thei ïalehkai ki ban mihkhmat ïa ka Jylla ha kane ka lympung ki long ka Breanna N. Sootinck (EKH) kum ka kapten, Eviana L. Kshiar (EKH), Haphilakhamti Suchiang (WJH), Vivie-cca Pale (EKH), Zadrina Nongsiang (WKH), Mystica Ïawphnaiw (WKH), bad ka Eli M. Nongkseh (WKH). Coach: Bah Caldy Nongsiang (WKH) & Manager : Bah Donbor Nongrum (EKH).
Katba na ka liang ki khynnah shynrang ki long u Rimioo Suchiang (WJH) kum u kapten, Kordor Pyrbot (WJH), Caldy Nongsiang (WKH), Dawanme G. Chyrmang (WJH), Adrial B. G. Shangoi (EKH), Gareth E. M. Kharbyngar (GK) (EKH), Hubert Nongkynrih (EKH), Colin J. Iawphnaiw (GK) (WJK), Elnathan D. Kshiar (EKH), and Suklang Dkhar (EKH). Coach: Bah Joshua Sohtun (EKH) & Manager: bah Donbor Nongrum (EKH).
