Kohima, Jymmang:
Ka seng National Socialist Council of Nagalim (NSCN) ka la ai jubab halor ka jingshah kynnoh ha ka National Investigation Agency (NIA) ba ka la kyrshan ïa ki kynhun ba la shah ñiew beaiñ ha Manipur. Kumba ka la paw ha ki lad phah khubor la pynshisha ba ka kynhun NSCN ka la ai jingkyrshan ïa ki kynhun pyntriem kiba la shah ñiew beaiñ ha Manipur.
Ha kaba ïadei bad kane ka bynta, na ka liang ka seng ka la kyntait halor kane ka jingpynshisha jong ka kynhun NIA. Ka NSCN ka la pyrkhat jngai ha kaba ïadei bad kane ka jingïalam bakla ba la leh da ka sorkar India pyrshah ïa ka seng kaba la dep ban soi ïa ka soskular sangeh ïasiat bad ka sorkar bad kaba la don bynta ban ïakren ha ki kam saiñ pyrthei ha ki 27 snem ba la leit.
Ka seng NSCN ka la kyntait halor ka jingdonkti bad ki lehnoh Kuki National Army (B) ne ki People’s Defence Force, ha kaba ki la shah kynnoh ba ki la leh ïa ki kam thombor. Ka NSCN ka la kynnoh kylla ba ki shipai ïada ri ki la ai ka jingkyrshan sha ki KNA(B).
