Imphal, Jymmang:
U Leishiyo Keishing, uba long u MLA ha Manipur, u la thoh da ka shithi sha u Myntri Rangbah u N Biren Singh ban kyrpad ba u la dei ban shim ki sienjam na ka bynta ban pynmih noh ïa ki poiwir kiba na Myanmar sha ka jaka ba ki wan.
Ha ka shithi, ba la phah sha u Myntri Rangbah naduh ka 9 tarik, Jymmang, u MLA na Phungyar (ST) Assembly konstitwensi u la pynpaw ka jingsngewkhia shaphang ka jingbuh jingma na ka jingwanrung beaiñ bad buhai shnong ki poiwir na Myanmar sha ka jylla.
U la ong ba ki la don palat 5,800 ngut ki poiwir kiba la wan rung beaiñ na Myanmar kiba la poi ban buhai shnong ha Manipur naduh u Naiwieng jong u snem 2023.
Katkum ka jingbuh jingkheiñ la ong ba ki la don kumba 5,173 ngut ki briew ïa kiba la ngat ha ka jingkhmih jong ki bor pynïaid distrik.
U la ïai ban halor ka jingkyrpad jong ki nongshong shnong kiba la pynpaw shai halor ka jingshah ktah jur jong ka kam bylla sngi bad ka kam trei ïing briew, ka jingnang sniew ki jinglong jingman kiba la mih ha ki thaiñ khappud.
Kumba la sakhi, la ong ba wat ki bor pynïaid shnong kim lah ban leh ei ei ha kaba ïadei bad ka jingtehlakam ïa ka jingwan rungtuh jong ki poiwir na ka daw jong ka jingbud jong ki ïa ka riti bad dustur.
U MLA u la pynpaw ka jingsngewkhia halor ka jingshngaiñ jong ki trai shnong, ha kaba u la ong ba kiba bun ki kam pynïap briew bad ki jingrahbor ki dei kiba la leh da ki poiwir ha kaba ki la lait na ki kti jong ka aiñ da kaba phet rieh lyngba ki bynta khappud sha Myanmar.
