Gangtok, Jymmang:
Kum shi bynta ban pynkhreh halor ka jingwan jong ka aïom Lyiur , ki bor pynïaid distrik jong ka Gangtok ha Sikkim ka la shim ïa ki sienjam na ka bynta ban ïada na ki jingtwa khyndew.
U District Collector jong ka Gangtok u Tushar G Nikhare u la pynmih ïa ka hukum ba la khang pyrshah ha ka ban tih ne ksam ïa ka khyndew ha ka distrik naduh ka 1 tarik, Jylliew haduh ka 30 tarik, Nailur. Ïa kane ka hukum la ai hapoh ka jingtreikam jong ka kyndon ba 30 jong ka Disaster Management Act 2005, kaba la pyntreikam ha kum kane ka por ba dei ka por slap ha ka bynta ba shaphang Shatei-Mihngi, khamtam ha Sikkim.
Kumba la sakhi, la ong ba ka Sikkim ka ju kham ïohmad ïa ki jingtwa khyndew ha kum kine ki por kumba la buh jingthoh bad kane ka jingtwa khyndew ka ju long haba wanhap u slap uba jur ha kaba na kiba bun ki jingpyntreikam ha kaba ïadei bad ka jingtih maw ne ka jingpom surok ki ju jia ki jingtwa na ki bynta jong ki lum khamtam ha kine ki thaiñ.
