Imphal, Jymmang:
Kum shi bynta ban wanrah ïa ka shongsuk bad ka jingshngaiñ ha ka jylla, ki la don baroh kumba 124 tylli ki Nakas (Checkpoints) ïa kiba la buh ha kiba bun ki distrik jong ka Manipur kiba don ha baroh ar, kata ha ki jaka lum bad ki jaka them.
Na ka jingnang bteng ha ka jingpyntreikam ïa ka jingpahara bad ka jingkhynra jong ki kynhun shipai ïada ki la don kumba 79 ngut ki briew kiba la shah kynnoh ba ki la donkti ha kiba bun ki jingïakynad ha kylleng ka jylla kiba la shahkem.
Ki kam ba la pyntreikam da ki kynhun shipai ïada ki kynthup ha ka jingleit khynra bad jingpahara ha ki jaka ba don ki kynhun ba la pyntreikam ha ki jaka ba kham jur ka jingmih jong ki jingïakynad ha ki distrik kiba don ha ki jaka lum bad ki jaka them.
Kine ki jingpyntreikam jong ki shipai ha ryngkat ki pulit ka jylla ki long halor ka jingthmu ban lah ban tehlakam ïa ki jingjia kiba pynduh ïa ka jingshngaiñ bad ka jingïada na ka bynta ki nongshong shnong baroh. Shuh shuh la bynrap ha kine ki jingpyntreikam, nalor ka jingkem ïa ki briew, la ïoh ruh ban kurup ïa kiba bun ki tiar siat bad ki kuli ïasiat.
