Guwahati, Jymmang:
Uwei u nongtuh ïa uba la tip kyrteng kum u Son Ahmed u la lait phet na kti jong ki pulit ha Rangia. U Ahmed, ïa uba la shahkem halor ka jingdonkti ha ka kam tuh, u la lait phet na kti jong ki pulit ha ka por ba ki dang ïalam ïa u sha patok. Kane ka khubor ka saphriang hadien ba u Ahmed u la lait na kti jong ki pulit ha ka por ba u la poi ha ka jaka treikam jong ki pulit bad phet sha ki bynta ban poi sha ka wah Baralia.
Kumba la ïathuh ki nongsakhi ha kaba ïadei bad kane ka jingjia, la ong ba u Ahmed u la rynsied shapoh wah, ha kaba ki pulit kim ïoh shuh ban kthong ïa u. Ki pulit jong ka Rangia ki la pynlong da ka jingleit thwet kaba jur ban ïohkem biang ïa u, naba une u la don kti ha kiba bun ki kam sniew ba u la leh ha ka thaiñ. U Son Ahmed u la paw bha halor ki kam sniew jong u ba u la leh ha ka thaiñ, ha kaba u la kham paw ha ki kam tuh kam thiem bad ka jingknieh bad pajut ïa ki jingdeng ksiar jong ki briew.
Ka jinglait phet jong u Ahmed ka la pynlong ïa ki pulit ba kin nang pynkhlaiñ shuh shuh ïa ki jingpyntreikam ha kaba ki la pynlong ïa ka jingleit thwet bad ka jing-leit kerkut sha ki bynta jong ka wah Baralia ban ïoh kem biang ïa u.
