Ki don lai tylli ki shnong kiba heh bha hapoh ri Khasi – Jaiñtia kiba la long ki nuksa ba bha tam na bynta kiwei pat ki shnong hapoh ri Khasi – Jaiñtia. Kita ki long (1) Shnong NEW NONGSTOIñ kaba long ruh ka nongbah jong ka West Khasi Hills District (2) Ka MAWKYRWAT kaba long ka nongbah jong ka South West Khasi Hills District (3) Ka MAIRANG kaba long ka nongbah jong ka Eastern West Khasi District. Ki dorbar shnong jong kine ki shnong kiba heh bha ki trei bor bah ban pynbha pynroi ïa la ki shnong lajong ban pynroi pynsan ïa la ki nongshong shnong ha ka kamai kajih, ka khaiï pateng. Kine lai tylli ki shnong baheh ki leh pyrkhing bha ha ka rukom synshar shnong ban roi ka jaitbynriew Khasi lajong kiba dei ki nongshong shnong. Kim shah ïa u Dkhar u Lyngkieñ ne ïa u bar jylla ban wan shong shnong ne ban seng ki kam khaii pateng hapoh shnong poh thaw lait noh tang ïa ki nongtrei kam sorkar. ïa ki jait kam baroh la trei hi da ki Khasi kiba long ki nongshong shnong bad kiba la nangroi nangsan katba dang mih ki snem. Ka shnong ka thaw baroh kawei ka la nangroi, ki lalah ban nangtei ïa ki ïing paki dulan hapoh shnong. Ka shnong New – Nongstoiñ jong ngi ka la pynïaid pyrkhing bha ïa ki kam khaiï pateng. Kino kino ki kynthei Khasi kiba shong lok Dkhar, ka shnong kam shah ïa uta u lok Dkhar ban shong dukan ne ban khaiï pateng hapoh shong. Ka shnong kam lah ban khang ïaka kam jingieid jong ki briew tangba kim lah ban shong dukan ne ban leh khaiï pateng bad kam shah ban wan shong dorbar shnong. Ka shnong ka la shah kyrpang tang ïa ki katto katne ki riew rim kiba shong lok Khasi la slem bha naduh mynshuwa. Lada shah ïa ki Dkhar ba shong lok Khasi ban khaiï pateng, kan sa nang pynshlur shuh shuh ïa ki kynthei Khasi ban shong-lok Dkhar. Kitei ki shong lai tylli ki long ki nuksa babha tam ïa ki bor pynïaid shnong ha ri Khasi – Jaiñtia. Bun ki nongpynïaid shnong ki ngop ha ka pisa pliah u Dkhar ban ai NOC kam khaiï, sa nang roi u Dkhar. Nga la ïatrei ïa ki kam pynbha ïa ka shnong ka thaw kum u Executive Member jong ka Executive Durbar jong ka shnong New Nongstoiñ la palat 25 snem mynta. Ngi la lah ban pynduh noh ïa ki dukan Dkhar ba la jyllei bha mynshuwa. Ngi la lah ban pynduh noh baroh ki dukan kiad ne wine store kiba la ïoh license na ka sorkar. Bun ki para Executive Member kiba la khlad noh mynta. U Blei u dang ibit ban pynsah im ïa nga haduh mynta. Ngan dang ïai trei ban pynbha ïa ka shnong katba ka shnong ka dang ibit ban trei na ka bynta ka jingmyntoi u paidbah.
Dr. Boss L. Marthong
New Nongstoiñ
