To ngin pynneh ïa ki dustur ki riti ba bha ba la pruid dak u mynbarim kum ka jingai jaid kheiñ jait na ka Kmie ne kynthei, dei ban pynneh shuwa. Kumjuh ka rukom jied ïa ki Syiem ki Lyngdoh ki Sordar bad ki Rangbah Shnong ruh dei ban pynneh ym ban pynkylla tang na ka jingkwah jongno re jongno. ïa ki Rangbah shnong ka duh mynta ruh dang dei ban bud ïa ka rukom ba dei ba jied tang da ki shynrang kiba la dep khatphra snem ka rta ym ban ai lad ïa ki kynthei ha man ki shnong ki Bri u Hynñiewtrep. Kane ka long ban pynneh pynsah ïa ka riti ka dustur uba rim uba la suit la shor naduh sdang ka long briew manbriew. To ki jingkylla ki lah ban wan na ki por bad ki snem ba ha-dien bad ki ban sa wan, ngim lah ban ong ei ei ïa kane.
C. B. Iawphniaw
