Ban pynnah pynsah ïa ka riti ka dustur u Khasi dei tang lyngba u symbai jong u Khasi paka. Ka jingai jait ai khong ïa ki khun na ki Kpa bym dei Khasi kan ïalam bakla bad pyntroiñ ïa ka jaitbynriew jongngi. Kane ka dei ka jingiuhroit ïa ka riti ka dustur ba nylla u khun Khasi Khara, ba la suit la shor da u longshuwa u manshuwa.
Ka riti ka dustur ka jaitbynriew ka im tang lada ka jingai jait kheiñ jait kan dei beit na u symbai nylla bad ka snam u Khasi ym na u symbai bad ka snam ki bym dei Khasi. Kumba long mynta ngim da don shuh ka snam (blood) Khasi paka namar ngi la ïa shongkha khleh bad ki jaitbynriew kylleng ka pyrthei.
Kumno keiñ ngi dang kam ba ngi dei ka jaitbynriew kaba kyrpang. Ka jaitbynriew ka bym bat ïa la ka jong ka tynrai ka lah ban duh jait ha kawei ka sngi. Namar u sohpet u ksai u wan na u kpa ym na ka kmie ba kha. Ka shong hok kumba ong mano re haba thung da u phan mih pynban da u shriew.
Haba ngi bet symbai riewhadem ngi khmih lynti ban mih u riewhadem, mih pynban da u jamyrdoh. Dei kane ba ka jaitbynriew kan sa jah noh. Haba kumne kumno keiñ ngin pynneh pynsah ïa ka riti ka dustur bad ïa ka jait ka kur ?
Ban shu kren sngew kumba ka jaitbynriew Khasi ka kham long kyrpang ban ïa ka jaitbynriew Israel. Ne phi ong nga shu kren lamler.
C. B. Iawphniaw
