Imphal, Jylliew:
Kum shi bynta ban pyntikna ha ka ban ym pynduh ïa ka shongsuk bad ka shongsaiñ ha ka jylla Manipur, ki shipai pahara ki la pynlong ïa ka jingleit khynra sha kylleng ki distrik kiba don ha ki jaka lum bad ki jaka them. Kane ka jingpyntreikam ka long shi bynta ban pyntikna ha ka ban ïaid beit ka jinglong jingman hapoh ka jylla.
Kum shi bynta jong kane ka jingpyntreikam, ki la don kumba 127 tylli ki Checkpoint, ïa kiba la ju tip paidbah kum ki Naka, ïa kiba la buh ha kiba bun ki bynta jong ki distrik ha Manipur. Ha kaba ïadei bad kane ka jingpyntreikam, ki pulit ki la kem ïa 84 ngut ki briew na kylleng ki jaka hapoh ka jylla kiba la shah kynnoh dontkti ha ki jingïakynad, kum shi bynta ban tohkit bniah na ki khnang ban lah ban wanrah ki lad jingïada bad ki jingshngaiñ hapoh ka jylla.
Shuh shuh la ong ba kane ka jingpynjur ïa ka jingkhmih bniah bad ka jingleit khynra ka buh jingshngaiñ khamtam ïa ki nongshong shnong bad ban pynïaid beit ïaid ryntih ïa ki rukom ïaid jong ki kali bad ai jingshngaiñ ïa ki haba ki leit kit mar sha baroh ki bynta jong ka jylla.
