Guwahati, Naitung:
U Myntri Rangbah jong ka Assam u Himanta Biswa Sarma, hynnin ka sngi, u la pynpaw ïa ka jingsngewkhia ha kaba ïadei bad ki kaiphot kaba ong ba ïa u durmot jong u Mahatma Gandhi uba don ha Gandhi Chowk ha Tinsukia la pynpra, kane ka long halor ka jingthmu ban shna da ka Clock Tower. Kane ka jingjia ka la paw pyrthei naba la don ka jingïakhih kaba jur bha ha Doomdooma, ha kaba ki nongshong shnong ki la ïalumlang na ka bynta ban pynrem jur halor kane ka kam.
Ki nongïakhih ki la pynpaw ïa ka jingbitar halor ka jingweng bad pynpra noh ïa u durmot uba jrong da kumba 5.5 phut jong une u nongïalam bakhraw. Ki nongïakhih ki la dawa ba la dei ban pynlong da ka jingtohkit kaba bniah halor kane ka rai bad la dawa ruh ba la dei ban buh bad pynïeng biang mardor ïa une u durmot.
Na ka liang u MLA jong ka seng BJP jong ka Doomdooma, ha ka 11 tarik, Naitung, u la pyntikna ban pynïeng noh da u durmot bathymmai bad uba kham jrong 6.5 phut jong u Gandhi ha kaba yn sa shna ha kajuh ka jaka ha ryngkat ka Clock Tower.
