Zurich, Naitung:
Ka kynhun ban iarap ia kiba iap, ka khmih lynti ban pyndonkam ia ka tiar ban pyniap hi ialade tang da kaba ñion ia uwei u budam. Kane kan dei ruh ka sien ba nyngkong ia ka Switzerland ba kan ioh ban pyntreikam ne ban wanrah ia kum katei ka jait tiar hapoh ka histori jong ka.
Katei ka tiar- Sarco Capsule kaba long kum ki kynja ban her sha haw-haw, kaba la pyni nyngkong eh ha u snem 2019, ka bujli ïa ka oxygen kaba don hapoh jong ka da ka nitrogen, bad dei kane ka ba la pynlong ia ki briew ba kin iap bad dkut mynsiem ha ka jingbym ioh ia ka lyer oxygen ban ring mynsiem. Ka dor ban pyndonkam ia katei ka kor mashin ruh kan long $20 shisien pyndonkam.
Ka tnat Last Resort ka la ong ba kam shym don kano-kano ka jingkhanglad ha ka liang ka aiñ ban pyndonkam ia katei ka tiar hapoh ka ri Switzerland, namar ha kaba ka aiñ kyllum ka la ailad ïa ka jingïarap ban pynïap ïalade lada u briew u leh hi da la ka jong ka mon bad da lade hi ïa katei ka kam.
