Washington, Naitung:
U President jong ka America, u Joe Biden, ha kane ka por u la kyntu ia ki nongkyrshan jong u ba kin pdiang sngewbha ia ka Vice- President Kamala Harris, da kaba ong ba ka rai jong u ban iehnoh ia ka jingiakhun ha ka White House ka long kaba biang tam na ka bynta ka jingbha jong ka ri baroh kawei.
Kumta ha ka Lah Sngi U Blei haba ai jingkren sha ki paidbah, u Biden u la ong ba u kwah ban khot ia baroh ki nongkyrshan jong u ba kin pdiang ia ka Kamala Harris kum ka nongialam jong ki kaba la mih bujli ha ka jaka jong u namar ka long ka nongialam kaba biang tam na ka bynta ka ri. U la ong ruh ba wat la katei ka khubor ha ka Sngi U Blei, ka la pynkyndit bad pynshaïong ia kiba bun ki nongkyrshan jong u hapoh ka ri. Hynrei u la ong pat ba u don ka jingiohi jngai bad ka jingkyrmen skhem ba ka Harris kan dang kham lah ban trei kham bha ban ia ka jinglah jong u khamtam ha kine ki sngi ba ka jinglong tymmen ka la wan hap ha u.
Namarkata ruh u Biden u la kyntu ia ki nongbud jong ka seng jong u baroh bad kumjuh ruh ia ki nongkyrshan kiba ju ai jingkyrshan ia u na ka por- sha ka por, ba kin ym kynriah ne kulmar jingmut noh namar ka jingmih noh jong u na katei ka thup ki kyrtong ki ban iakhun naka bynta ka shuki President ha une u snem bad ba kin ai ka jingshaniah jong ki ha katei ka nong-ialam kaba u Biden hi da lade u la i-bit ban aiti ia ka kam kaba u trei bad ialam baroh shi katta.
