Khan Yunis, Naitung:
Ka United Nations ha ka Sngi Thohdieng ka la pyntip ba ki don palat 1,80,000 tam ki nong Palestine kiba la sakma bad kylla phetwir namar ka thma jong ka Israel ha ka phang Shathie jong ka nongbah Gaza, hapoh ka thaiñ Khan Yunis ha kine saw sngi ba la dep.
Namar la ong ba ka Israel ha kine saw sngi ka la thombor kput ia ka thaiñ Khan Yunis, mynta ba katei ka jingiakhun thma hapdeng ka Israel bad Gaza ka la neh mynta la kumba khyndai bnai kynthih.
La ong ba ki don kumba 1,82,000 ngut ki paidbah kiba la sakma na Gaza ha kine saw sngi namar ka jingleit phah tur jong ka Israel ia ki shipai sha katei ka thaiñ Khan Yunis kaba long ka jaka ba kham bun ki ‘riew paidbah.
