New York, Naitung:
Ki pulit ka New York ki la pyntip ba uwei u briew u la khlad noh bad 6 ngut kiwei pat ki la mynsaw na ka jingsynreit kuli naphang ha kawei ka jaka shangkai pyngngad kaba don hapoh ka thaiñ Rochester jong ka nongbah New York ha ka Sngi U Blei. U heh ka Rochester Police Department, u Captain Greg Bello haba iakren bad ki nongthoh khubor ha katei ka step, u la iathuh ba ki pulit ki la ioh jingtip shaphang katei ka jingjia ha ka por kumba 6:20 jong ka janmiet Sngi U Blei bad la ioh jingtip ba la don ki nongleit synreit kuli naphang ha kawei ka jaka ba dang ialum paidbah hapoh ka park Maplewood.
Haba ki leit poi sha katei ka jaka, ki pulit ki la lap sa tang ia kitei kiba mynsaw bad kiba la thiah iapler ha katei ka jaka namar kiba bun hi ki paidbah kiba don ha katei ka jaka ki la phet krad lut tang mar ia sakhi ia katei ka jingjia. Ki pulit ki la iathuh ba uwei u samla 20 snem u la khlad noh bad uwei pat u la mynsaw jur bha na katei ka jingjia ha katei ka sngi.
