Thaw ki aiñ bapher bapher kan ym pynim ïa ka jaitbynriew haba ïa u symbai tynrai ngi la iehnoh bad kheiñ dew thala. Nga ruh nga shim jait na ka kmie ba kha hynrei haba nga ïohi katba dang mih ki sngi ki ïa kane ka rukom ai jait kheiñ na ka kmie kan pyntroiñ bad ïalam sha ka jingpynpait pynpra ïa ka jaitbynriew. Ka wanrah ka jingbym ïa sngewthuh jingmut hapdeng kito kiba kwah ai jait sha u kpa bad ka kmie. Ha ka jingpeit jongnga ka la dei ka por ïa ka District Council kaba dei peit ïa ka dustur ka riti ba kan pyrkhat sani ba kan pdiang noh ïa kito kiba kwah ai jait sha u kpa, kiba dei na ka snam khasi paka. Bad ym dei ban pynduh noh ban ai jait Khasi ïa kito ki khun na ki bar jylla kiba pynbyrsieh ïa ka jaitbynriew. Namar kane kan nang pynshlur ïa ki kynthei ha ka jaitbynriew jongngi ban pdiang ïa ki bar jylla sha ka shongkha-shongman tang ba kin ïoh jait Khasi. Kum ka jaitbynriew kam dei ban kren tohmet ïa kito kiba ai jait kpa na ka bynta ka jingbha ha ka imlang ka sahlang bad ka jaitbynriew.
C. B. Iawphniaw
