Shillong, Nailar 13
Kum shi bynta ban rakhe ïa ka sngi laitluid jong ka ri ne ka Independence Day, ka tnat ïalehkai jong ka Sorkar Jylla bad ka tnad Arts & Culture ki pynlong ïa ka “Har Ghar Tiranga 5.8K Run” ha ka 15 tarik mynta u bnai.
Kane ka jingmareh kan sdang bad pynkut ruh ha phyllaw U Soso Tham Auditorium, Shillong.
Ki lynti ban mareh kan sdang na phyllaw U Soso Tham Auditorium sha D.C. Office, Governor House, St. Anthony’s College, Shillong College, St. Mary’s College, Don Bosco Square, Ïew Laitumkhrah, Fire Brigade, St. Edmund’s School, Malki Point, Barik Point, Civil Hospital bad ban pynkut biang ha phyllaw U Soso Tham Auditorium.
Na ka liang ki bor pynïaid ki la pynkhreh ruh ïa ki khusnam pisa na ka bynta ki nongjop. Ha ka Open category (men and women) kin ïoh T. 5,000, T. 3,000 bad T. 2,000 ïa kiba wan ha ka kyrdan ba nyngkong, ba-ar bad balai. Katba kiba wan ha ka kyrdan basaw haduh baphra kin ïoh mar T. 1,000.
Katba ha ka Open category (above 50 years, men and women) kin ioh T. 5,000, T. 3,000 bad T. 2,000 ïa kiba wan ha ka kyrdan ba nyngkong, ba-ar bad balai. Kane ka jingïakop mareh kan sdang ha ka por 7 baje mynstep. Kane ka long kat kum ka kyrwoh ba la pyllait da u District Sports Officer ka East Khasi Hills u Bah O. Mawthoh.
