Hyderabad, Nailar:
Ka kompeni pynmih nar kaba heh tam jong ka ri India bad ka kompeni tih marpoh khyndew, ka la rakhe ïa ka sngi laitluid kaba 78 jong ka India da ka jingkmen kaba khraw. La pynher ïa ka lama lairong ka ri ha ophis treikam jong kane ka kompeni ha Hyderabad bad ha baroh ki jaka treikam jong ka.
U Amitava Mukherjee (Additional Charge CMD, NMDC) u la pyllait ïa ka lama lairong ha ophis jong ka NMDC Corporate ha Hyderabad, ha kaba la synran lang da u Vinay Kumar, Director (Technical) & Personnel (Addl. Charge); U B. Vishwanath, u Chief Vigilance Officer; u Zailabuddin,u nongtrei ba heh tam ha Head Office, ki heh ophisar bad ki nongtrei.
Ha ka jingkren jong u ha ka jingïalang ha ka ophis treikam ha Hyderabad, u Mukherjee u la ong, “Ka long ka jingkyrkhu ïa ka NMDC ban bat ïa ka jingkitkhlieh ban shakri bad ban pynbiang ïa ki jingdonkam jong ka jaitbynriew ha ka liang ki jingtei, kaba pyni ïa ka jingaiti kaba neh jong ngi na ka bynta ka jingkiew jong ka ri India. Ka jingkut jingmut ba skhem jong ngi ka la pynlong ïa ka NMDC ban long ka kompeni tih marpoh khyndew kaba nyngkong eh ha ka ri ban tam ïa ka 45 million ton. Da kane ka jingkut jingmut, ngi la thmu ban pynurlong hapoh ki san snem ban wan ïa kaei kaba ngi la lah ban pyndep ha kine ki hynriew phew snem ba la leit noh, da kaba pynkiew ïa ka jingpynmih jong ngi na ka 50 million ton sha ka 100 million ton. Ki jingmih bad ki jingjop ba khlaiñ jong ngi ha ka liang ka pisa, kynthup ïa ka 1 million ton ka nar bad 1.5 million ton ka jingpynmih nar ba khluit ha ka karkhana NMDC Steel, ki long ka jingpynshisha ïa ka jingphylla jong ka juk mynta kaba ngi la wanrah na ka bynta ka ri India. Ka NMDC ka aiti lut ha ka jingtih marpoh khyndew da ka jingkitkhlieh bad ka jingpynneh pynsah.”
Shuh shuh, nalor kane la ong ba ïa ki nongjop ha ka sien kaba lai jong ka lympung ïalehkai Chess jong ka NMDC-Hindu kaba la long ha ka 11tarik, Nailar, ha State Art Gallery ha Hyderabadwere la pynkup burom ha kane ka sngi da u CMD. Ha kane ka sngi la ïashim bynta kumba 600 ngut ki khynnah skul na ki 110 tylli ki skul. U CMD, u Director Technical, u CVO, u President bad ki nongkitkam jong ka Mineral Eves’ club Hyderabad ki la ai khublei ïa ki nongjop ha ki jingïalehkai hapoh ba la pynlong na ka bynta ki nongtrei bad ki nongïarap kiba la ïatreilang.
