Shillong, Nailar 28
Shi bynta ban rakhe ïa ka National Sports Day, ka Meghalaya Chess Asso-ciation (M.C.A) ha ryng-kat ka jingkyrshan lang da ka tnat ïalehkai ka Sorkar Jylla, kan pynlong ïa ka “One Day Rapid Chess Tournament 2024” (Under-12, Under-16 & Open Category ha ka sngi Saitjaiñ ha Govt. Girl’s HS School, Jail Road, Shillong.
Kane ka jingrakhe ka long shi bynta ban kynmaw burom ïa u khlur ïalehkai hockey jong ka ri u Major Dhyan Chand.
Kat kum ka jingpyllait khubor da u General Secretary katei ka synjuk u Bah K.Pajat la ong ba ka jingpynrung kyrteng ïa ki nongshim bynta kan kut haduh ka 30 tarik mynta u bnai haduh ka por 6 baje janmiet.
