Ki jingjia hapoh ki shnong ki thaw bad ka jingïasat sia ka la nangbun nangbun katba nang mih ki sngi.
Ka jingïa mait ïapom, ïa dung ïasiat ïa shoh ïa dat, ïa apthap, ïa pyniap briew ka long beit halor ki kam khyndew kam shyiap. Kine ki kam ki mih ki leit ki wan na uwei /kawei ka briew kuhiw lanot, sa mih sa ka thma ka ktien ka wait u dieng, u maw u kuli, apthap ïa pyniap ka ïarung ïa mih na pathok kum ka jingphrang ïa kaba dei bad kaba lait. Ha kum kine ki jingjia ki briew ki shait kren kumne ha kiba nud ba shlan kim salia (survival of the fitness.
Ha ka jingïaid lynti ba 66 snem jong nga, la iohi bad tip thikna ïa ki jingjia kum ka jingshah pyniap u Bah Sodrek Marwein IAS ha surok Rangshken, ka jingshah siat u Edren ha Nongstoiñ, ka jingshah pyniap u Lyngdoh Paliar ha Rangblang, ka jingshah rah bor bad pyniap ïa u Bah Rijoy Khongshah Nongshken, ka jingïasiat ha ki thaiñ Borsohra, ka jingïapyniap ha Jaintia Hills, ka jingshah kem ki nong Upper Shillong halor ka jaka thang briew, ki jingkynrum kynram ha krem Mawjymbuin ha Mawsynram,jingïaknieh jaka ha Lawbah Maw-lymbna, ka jingshah jingiap jong ki briew ha Majai Sohra, ki jingleit pynpra pynduh ïa ki symbai rep ha Umladoh Ri Bhoi, ha Aradonga WHK da ka KHADC ka thma hapdeng India bad Pakistan, Russia bad Ukraine, Israel bad ki Hamas bad bun kiwei kiwei ki jaka. La ki dei hapoh ki kam ïing ki kam sem shi kur, shi shnong shi thaw, ki hima bad ha kylleng ki ri ha ka pyrthei. Ka jingïasiat suloi ha Umdohlun SWKH, bad kiwei. Kine ki jingjia ki dei beit ba ki briew ki shah kynting ha kiwei pat bad kim sngewthuh ïa kaba dei bad ba lait.
Kum kitei ki jingjia, dang bun ki lad ki lynti ban lait na ki umsnam namar ba dang don u /ka briew ki ban peit halor kane (mediator) jingai jingmut, la kumno kumno, ki bor ba dei peit la ha ka shi ïing, shi shnong, hima bad ka ri baroh kawei. ïa ki kam kum kitei, ym dei ban shu ïa set khun ne pynslem ban rai namar ki juh mih ki kyntien (justice delayed is a justice denied).
Bah Poland Sohphoh
