K. S. M. Ngap
Sngew tohmet haduh katta katta ban thoh ïa katei ka jingkylli ha ka shynna ban pynpaw kumba kren khah bad thoh pynjaboh ïa ka khana – don – nam ka Sor Shillong kaba la jot rathai mynta.
Shispah sanphew snem mynshwa, ka jaka kaba ki khot ka Sor Shillong ka dei ka khlaw kaba rben bha. Ha ka snem 1963 ka East India Company (E. I. C) ka la thied ïa kane ka jaka ha ka por ba la long Syiem U Mile Sing, ka Hima Mylliem. ïa kane ka jaka ki la thied na ka bynta ban thaw shnong ban shong pyngngad, ban buh ktem shipai, bad ban ai jingsumar ruh de ia ki shipai phareng kiba la mynsaw ha ka jingïaleh thma.
Shwa ban kiew sha Shillong, ka East India Company (E. I. C) ka la ioh jaka shong shwa ha Saitsohpen ba la ai lad ban plie lad u Syiem Sohra. Ia kane ka jingleh u Syiem Sohra la pyrshah jur U Bor Manik, U Syiem ka Hima Shillong. Ka ktem ban pynjot pynpra ïa ka Bri U Hynñiew Trep ki bym pat lah ban thew ïa ka bor pynjot ka East India Company (E. I. C) kaba la pynpra pynjot ïa ka Ri India bad shawei ruh de.
Namarba jur than u Lapbah Sohra, ka E. I. C ka la wan kiew noh sha Shillong ha u snem 1964.
Ban pynbit pynbiang ïa ka shong ka sah ha kane ka shnong Shillong, ki la thaw bad buh ïa ka Town Committee ban peit bad pynïaid ïa ki jingbit jingbiang ïa kane ka shnong ba dang seng thymmai, khamtam ïa ka khuid ka suba kane ka jaka. Nangne suki jai la kha ïa ka Shillong Municipal Board. Kumne ka la ïaid haduh 80 snem tam kat haduh ba ka Shillong Town ka la ioh ïa ka nam ka kyrteng “The Scotland of the East,” kaba don ki jingkhuid, jingpyngngad bad jingitynnad ruh de. Ka E. I. C. ka la pynlong ïa ka Shillong ka nongbah jong ka Jylla Assam kaba iar bha, ka bym pat phiah kumba ka long mynta.
Ynda la wan ka jinglaitluid ïa ka Ri India ha u snem 1947, ïa ka sir Shillong la pynlong ka Nongbah jong ka Jylla Assam. Ki khar Assamia, ba donbor ha kata ka por, ki la tih ïa ki lum bad ki them, ki la pynkhylla ruh ïa ki khlaw ki btap na ka bynta ban ai jaka shong jaka sah ïa ki briew na ri thor. Kumne ka la iaid bun bun snem bad ka Sor Shillong ruh ka la sdang kylla rong bad sniew dur nadong shadong. Ka umdih ka la sdang jaboh, bad kam biang kam dap shuh, ki karkhana, ki cinema bad ka pule puthi, ki la thut bym biang shuh ka bor ding ilektrik, bad ka khuid ka suba ha sawdong ka Sor Shillong ka la long ka jingud ba sngewsih kthang na baroh ki liang bym biang shuh ka jingtrei kam ka Civic Body/Municipal Administration bad kham hadien lei lei ba la rung sa ka Politic ha kane ka tnat treikam ka Municipality la nang jur ki kam thamula.
Ynda ki samla ba dang khie jong ka bri u Hynniew Trep kim lah peit bad shah shuh ïa jingshah ban beiñ ba bun rukom ïa ka Ri bad ka Jaidbynriew, ki la ïeng rangbah ha u snem 1953 ban dawa noh da ka jingsynshar la jong kaba la tip ka Hills State Movements. Hadien ka jingïaleh bun bun snem, na ka Hill State Movement, la kha ïa ka Hill State kaba ki la ai kyrteng ka Meghalaya ha ka snem 1972 bad ïa ka Sor Shillong la pynlong ka Nongbah jong ka.
Ha ka Jylla bathymmai – Ka Meghalaya, ki kam ba shyrkhei ki la mih kiba long ka jingpynjot ïa ka Sor Shillong. Hana ki la ong, “Wat pynlong ïa ka Municipal election ban nym ai lad ïa ki bar jylla Tden ka la neh haduh mynta bad ka jingïashet ïaphon hangne ka la long kaba shyrkhei bha kat haduh ba ïa ka Municipal Ophis ha Jail Road ki la aiti noh ha ki bar jylla ba kin ïa leh business maki, bad ïa lade sha “Law Dum” Soit ki leit phet. Mano sha ba ai bad balei ?
Ban ri ban da ïa ka khyndew ka shyiap, la thaw ïa ka Land Transfer Act. Ka aiñ khyndew kaba la paka bha, hynrei sngewsih ban ong, “La amend kyrkieh ïa ka” da ki stad laiphew – na – ar jingmut ban ai lad ïa kiwei ban thied ne kurup jaka. ïaka T. B. Hospital, Jhalupara, Shillong la ong ban ai noh sha u Nongwei ban shna /pyndonkam University. Balei Mo, don aiu hangne ? Ha shilynter ka Keating Road la ïeng ki ïing bad ki dukan jong ki bar Jylla. Mano ba ai, bad balei. Ha Ferndale Hotel pyrshah ka Meghalaya Secretariat la ïeng ka ïing paki dulan ban shong bad ban trei kam ki bar Jylla.
Mano ba ai bad balei ? Hato ka Sorkar kam donkam jaka ? U Pen ryngkew ym slem un sa paw. Tied yn sa plie, Ngin sa tip mano ba die ? Ka Ïewduh ba la bna nam jong ka Hima Mylliem kaba ka ju pynlong ïa ka ka knia ka Khriam shisien shisnem ha kane ka jaka (Ïew) ban bit ban biang ka khih ka khan, ka lynti ka duwar kamai jakpoh u khun u hajar ka Hima, mynta ka la kylla bajie – shlei mam ki “Nongwei Shisngi.” Kumjuh ka Them Motor ha Ïew Mawlong la ïeng ki ïing bun mala bad ki dukan ruh de. Mano ba ai ? Ha jingjar – jar la pynbiang ïa kane namar ba dei ka kam ïa shet ïa phon hima ba la shah pynpra mynta.
Namar kitei ki thlen kha tyngka aiu re, la ïa ai sa ka Trading Licence, Work Permit, Residential Certificate, NOC, da ki nongtrei kam paidbah, mam la shlei ka Sor Shillong mynta, bad sma – pyut syndon ka Sor Shillong bna nam. “Scotland of the East.”
Shuh shuh, dei ban tip bad ban nym bynñiaw ruh ba mynta ka “SOR Shillong” kam dei shuh ka jong u Khasi. Ban ia shai la biang ban pynlong noh ïa ka Municipal Election. Da kynmaw ruh dngong ba wat ki saw tylli ki Shillong Assembly seats ruh, U Khasi Candidate yn nym lah jop shuh lymda ioh ïa ka jingkyrshan ba donbor ki bar Jylla.
La kynrong palat ka hanga mei bad ka dwai Blei, pra syndon ka Sawdong ka Lyngwiar dpei ka Sor Shillong, kaba ngim lah shuh ban leh ei ei.
