Shillong, Nailur 06
Ka Tyrsad Area Sports Association (TASA) ka la sdang ïa ka lympung ïalehkai First Division Football League 2024 ha ka sngi Palei ha madan ialehkai kaba ha Tyrsad.
Ha kane ka jingïalehkai kaba nyngkong, ka Umkaber SC ka la khur ïa ka jingjop hadien ba ka la lah ban pynliem noh ïa ka Laitmawhing SC 1-0 kol bad ïa kane ka shi kol la thep da u Alfredroy Kharbteng ha ka minit kaba 59.
Ha kane ka sngi plie la ïadon lang u Bah Reginal Thabah, Asst Secretary ka FKJGP Seng kmie kum u kongsan bad u Bah Hamphrey Lyngdoh kum u Symbud Kongsan ryngkat ka jingïadon lang ki dkhot ka seng KSU, HYC, FKJGP Tyrsad Circle, Bah Dlipstar Rani, Principal ka Tyrsad Higher Secondary School bad kiwei kiwei ki riew rangbah.
