Goa, Risaw 25
Ka kynhun kaba don 8 ngut ki nongïalehkai kettlebell na ka jylla Meghalaya ka la sdang bha ha ka Asia Oceania Kettlebell Sport Championship 2026, da kaba pynïoh 7 tylli ki takma kynthup ïa 3 tylli ki takma ksiar, 2 tylli rupa, bad 2 tylli rnong ha ka sngi plie jong kane ka lympung ha Goa.
Ha ka jingïalehkai, ka Iaphilaihun Lyngdoh Talang ka la jop ïa ka takma ksiar ha ka Junior 12-minute 12kg Military Snatch (155 reps), katba u Raikom Timung u la ïoh ïa ka takma ksiar ha ka Junior 12-minute 16kg Military Snatch. U Coach Sandeep Sharma u la pyndap ïa ka medal ksiar kaba balai ha ka kyrdan 80kg bodyweight 10-minute Classic 24kg Snatch event da kaba shon 131 repetitions.
Ki takma rupa ki la leit sha ka Sonia Langstieh ha ka 10-minute Classic 16kg Snatch (77 reps) bad u Brian Wallang ha ka Veterans Category. Ki takma rnong ki la leit sha u Boonyapon Butsrisouy (Junior 12-minute 12kg Clean & Jerk) bad ka Kathy Moi Decruse ha ka 58kg bodyweight 10-minute 16kg Clean & Jerk (69 reps).
Kane ka lympung kaba lai-sngi, naduh ka 23 haduh 25 Risaw, kan sa pynkut da ki half-marathon kiba shim por 30 minit, kyrmen ka Meghalaya ba kan dang khur takma shuh shuh.
