New Delhi, Nailur:
U nongïalam jong ka seng Shiv Sena jong ka kynhun UBT u Sanjay Raut u la shah rai pynrem ha ka Sngi Balang halor ka mukotduma pynjah burom ba la mudui da ka kurim jong u nongïalam ka seng BJP u Kirit Somaiya ka Dr Medha Kirit Somaiya. Utei u dkhot ka Rajya Sabha u la shah rai pynrem katkum ka Indian Penal Code Section 500.
U Vivekanand Gupta, uba long u nongïasaid aiñ uba mihkhmat na ka bynta ka Somaiya, u la ïathuh ba uwei u Metropolitan Magistrate ha Mazgaon, u la rai pynrem ïa U Sanjay Raut bad set patok haduh 15 sngi ha kaba ïadei bad ka jingjia. Ka ïingbishar ka la daiñ kuna ruh ïa u `.25,0000, la ïathuh ka tyllong khubor.
Kum ka jingong ei ei haor ka jingshah rai pynrem jong u Raut, u nongïalam jong ka seng BJP u Kirit Somaiya u la ong, “U Sanjay Raut u la shah set phatok 15 sngi, la rah ïa u hapoh patok. La daiñ kuna da `.25,000 ïa u. Un hap ban siew ïa kane ka pisa sha u nongujor u Prof. Dr. Medha Somaiya.”Ka Medha Somaiya, ka la ujor lyngba u nongïasaid aiñ, u Vivekanand Gupta, da kaba kynnoh ba u Sanjay Raut, u la kynnoh khlem nongrim bad pynjah burom lut ïa ka bad ïa u kurim jong ka.Ka la ong ba u Raut u la kynnoh ba ki donkti ha ka kam thok kaba `100 klur halor ka jingshna bad maramot ïa ki katto katne tylli ki jaka leit bar paidbah kiba don ha ki jaka kiba hap hapoh ka jingpeit jong ka Mira Bhayander Municipal Corporation.
