Ka VIP Road (kaba ki ïa mut kata ka Very Important Personality Road) naduh Kyntonlieh, Mawlai Mawroh ter-ter shaduh Mawkynroh Police Outpost ka ïalam sha Bye-Pass ban poi sha Mawïong. Kane ka VIP Road imat i kumba lah hap sin noh da ka surok “Very Insidious Path”. Ha kine ki por mynta ngi ïohi ba – “U Drok, ka Krok kine shi-lok ki ïaid sahuh ha ki Surok”. Ha ki por kiba la leit haba kito kiba ïa dih jah-thait shong-shit, ki ïa dih ym dei ha ki public places, hynrei ha ki ‘licensed areas’ lane ha ki ‘private areas’ namar ki burom ïa ki nongshong shnong, ki kynthei ki khynnah, ki tymmen ki san.
Mar ïa kem dum bad ka miet ka la sdang tap-lup, ha ka surok naduh mar sien lait PHC Mawroh ter-ter lyngba ka rud surok markhap Seng Khasi Mawlai haduh Lad San-Ker, ki kali saw-shaka bad ar-shaka ki ïeng shriak bad hangta ha ki kali la iohi ïa ka jingpynlong ka jaka ïa dih, ym tip shuh ïa dih Krok ne ïa dih Drok. Ka long shisha kaba i syier ïa kito kiba hap ïaid lyngba kane ka lynter lynti, bad lehse kane ka pynkynkaw biang ïa kato ka jing ong – “leh raiñ uba peit ïa uba eit”.Imat mynta ba lah ïa kham-don kham-em, la kham don bor ruh ban rah ïa ka jaka shong-shit khaw-yiang na pata sha surok. Tip shuh la ka Excise Dept ne kiwei ki Bor Synshar ki la ai ‘licence’ ban pynlong ka jingïadih ha kane ka jaka ? Bad nalor kata ruh kane ka surok kadei kaba ïaid bha ki kali kiba mastieh jingrwai jam khamtam lyngba ka miet syn-ñia, tip kane ka don aiu sha lyndet.
Shaphang ka ISBT (ka ïing-paki-dulan jong ka Sorkar), te imat ka Sorkar ka la bei bun tyngka ban tei ïa kane ka ïing-paki-dulan na bynta ban pyndonkam sahuh ki ja-lweh.
Namar ba ki thymmei synshar mynta ki lah ïa bun, te lah sngewshaïong ban sngewthuh ba mano ban teh lakam lane pyndonkam ïa kata ka bor – Ia Leh Pyn-teh-lakam (ILP) ïa kane ka jing-i-saitmet bad jingbymsngew-shngaiñ ha kane ka surok paidbah. La kan dei ka Sorkar ne ki Dorbar Shnong ne ki Seng Khihlang-Bhalang ne mano keiñ ki ban teh-la-kam ïa kine ki “Illegal Pata” ?
Medalane Lynbah
