Khliehriat, Nailur 27
Ka Umrasiang Utd SC, Wapungskur SSWO bad Nongsning Youth SSC ki la ïoh jingjop ha ka jingïakhun 3rd Division Football Tournament ba la pynïaid da ka East Jaiñtia Hills Ditrict Football Association (EJHDFA) ha madan Artificial Diengshynrum, Khliehriat.
Haba phai sha ka jingïakhun kaba la long ha ka Sngi Thohdieng, ka Umrasiang Utd SC ka la jop pyrshah ïa ka Pynurkba Christian SC da 3-0 kol. Ïa kita ki lai kol jong ka Umrasiang Utd la thep da u Unsa ai biang Dkhar ha ka minit kaba 4 & 19 bad u Nishwa Muksor ha ka minit kaba 68.
Ha ka jingïakhun kaba bud, ka Wapungskur SSWO ka la pynliem ïa ka Dkhiah East SC da 2-1 kol. Ïa ka kol jong ka Dkhiah East la thep da u Wan-o-Nongtdu ha ka minit kaba 24 katba ïa ki kol jong ka Wapungskur la thep da u Pynshemi Siangshai ha ka minit ïalehkai ba 34 bad Miesly Ryngkhlem ha ka 61 minit.
Ha ka jingïalehkai kaba khatduh jong kane ka sngi ka Nongsning Youth SSC ka la pynliem ïa ka Ïapmala Wahshnong da 1-0 kol bad ïa kane ka kol jong ka Nongsning Youth la thep da u Knermiki Siangshai ha ka minit kaba 75.
Ka Wapungskur SSWO da kane ka jingjop ka la rung sha ka wat 16 jong ka kyrdan 3rd Division.
